Idiazabal-Dorrontsorogaina-Andrelorriaga

Ruta circular desde Idiazabal pasando por:
- Lizarrabea (5.6 km)
- Dorrontsorogaña (6.4 km)
- Dolmen Urrezulko Armurea (6.8 km)
- Atxurbide (7.1 km)
- Atxartiko Gaña (7.6 km)
- Andrelorregi (8.7 km)
- Arrobieta (9.2 km)
- Andrelorriaga (10.1 km)
- Iturri (13.2 km)
- Ermita Gurutzeta (14.0 km)

Axari Trailaren zati bat jarraituz, Gipuzkoako beste pare bat gailur puntuagarri egiteko aukera da hau.

Miguel Deunaren eliza (XII. mendea) dugu ibilbidearen abiapuntu, plazaren alboan Artzainari monumentua dugula. Porlan eta legarrezko pistak, baserri ederren artean garamatza aldapa gora, Iturzabal burdin urezko iturrian geldiunea eginez. Espero baino luzeago egiten da bidea Lizarrabeako gailurraren ondoan uzten gaituen arte. Hemen, hesia igaro eta mendilerroan gora jarraituko dugu, Dorrontsorogañara iristeko; Arastortz mendiaren ikuspegia ezin hobea da hemendik.

Mendilerroaren kontrako puntan Atxurbide dago, baina gailurrera iritsi baino lehen, Atxurbiko zista eta Urrezulko Armurea Trikuharria topatuko ditugu tartean.

Aldapa behera eginez, Atxartiko Gaña muinoa izango dugu aurrez aurre, ikurriña bat haizearekin dantzan duena, eskultura batekin batera. Gailurra egin ta bagoaz behera Arantzazumendiko portura, beste behin mendilerroa jarraitu eta Urbaraundiko punta eta Andrelorriaga gailurrak bisitatzeko asmoz. Azkenekoan, belarrak postontzia irentsi du ia.

Jaitsierako bideak Oiarbideko baserrira eramango gaitu, han biratu eta Done Jakue bidea eta GR-283a jarraituta (Gaztaren ibilbidea). Artsuagarats eta Uzkangako galtzadak ezagutuko ditugu azken metroetan, gure arbasoek bideak eraikitzeko zuten abileziaren adibide ederrak; ibilbideari amaiera emateko modurik onena.